回憶
返到嚟香港梗係要食餐好㗎啦！最鍾意食日本嘢嘅我同屋企人去咗食放題！😋成餐大家都食得好開心，有講有笑。點知就喺搭地鐵返屋企嘅路上，我突然間喺車廂入邊痛哭，成家人望住我嚇到呆咗…
——
「你覺得上帝愛你嗎？」我問Patrick。
「佢好愛我。」Patrick 肯定咁回應。「可能肚未必填得飽、甚或冇一個容身之所，但上帝喺我心入面所填滿嘅先最重要。」
Patrick係喺南非嘅無家者，同時都係個基督徒，我喺一次outreach嘅時候喺公園遇到佢。嗰日我單單陪佢坐吓，聽佢嘅故事。佢為咗養家，出城打工，但因為經濟唔好，以致失業。
「我可以點樣為你祈禱呀？」我問道。
「希望我可以搵到一個瓦遮頭啦。」Patrick回答。
「好。你可唔可以都為我祈禱？我希望可以專心為上帝奔跑。」
佢有一吓愕然，然後微笑點頭。我哋握住彼此嘅手，低頭為大家禱告。
嗰一刻我地嘅身份再唔係「幫助者」與「被助者」，而係同樣被耶穌所愛嘅主內弟兄。
待續
Timothy Lau（作者Timothy，90後宣教士，於英國讀大學時開始接觸宣教，本職為獸醫助理。數年前透過世界福音動員會(Operation Mobilisation) 投身宣教旅程。曾於南非參與短期門徒訓練，繼而到福音船 – 望道號上服侍。三年嘅船上生活中到訪15個國家，共29個港口。現已完成服侍回港，於OM香港以助理動員主任身分，繼續推動年青人投身宣教。）
繼續閱讀下集︰待續
差聯文章Blog 