90後航海日誌 – 南非

Timothy Lau(作者Timothy,90後宣教士,於英國讀大學時開始接觸宣教,本職為獸醫助理。數年前透過世界福音動員會(Operation Mobilisation) 投身宣教旅程。曾於南非參與短期門徒訓練,繼而到福音船 – 望道號上服侍。三年嘅船上生活中到訪15個國家,共29個港口。現已完成服侍回港,於OM香港以助理動員主任身分,繼續推動年青人投身宣教。)

唔知道當講起南非嘅時候,大家會諗起啲咩呢?可能細細個受獅子王嘅影響,我第一樣諗到嘅嘢一定係一片茫茫嘅大草原上有獅子、老虎、大笨象、馬騮、烏龜、小白兔(仲有埋首主題曲喺腦海響起)。當我終於有機會親自去到約翰內斯堡同開普敦,我發現南非同想像中完全唔一樣!

去到南非頭兩大嘅城市,一眼就望到現代化嘅建築、繁忙嘅街道同高聳入雲嘅大廈。約翰內斯堡有非常氣派嘅首相府作為地標性建築;而開普敦就有著名嘅桌山作為城市嘅背景;另外又有大型嘅欖球場,睇到佢哋對呢項運動嘅狂熱。呢兩個充滿活力嘅城市同我想像中只有飛禽走獸四圍走嘅南非真係截然不同呢!

(當然南非依然有佢大自然嘅一面,想睇動物嘅朋友,記得去佢哋嘅國家公園參觀喇~😆)

文化大雜燴?!

好記得第一日去到短期宣教訓練嘅場地,得知室友係一位當地嘅南非人時已經滿心期待,因為我從來未試過有一位非裔室友,絕對係更了解當地文化嘅好機會⋯誰知道係一位金髮碧眼、皮膚哲白嘅男孩走入我間房,熱情咁自我介紹:「你好!我係黎自開普敦嘅Jordan。」嗰一刻我先恍然大悟,原來南非唔單單只有非裔人,更有為數不小嘅荷蘭裔人。

南非係多種族國家結構比例為黑人約佔 75%、白種人13%、有色人種 9%、印度人 3%。喺當地生活嘅短短幾個月之中,了解到南非過去有好多好痛苦嘅歷史⋯⋯從前嘅種族隔離政策衍生咗好多種族仇恨、甚至仇殺,就算到今日依然不時有衝突發生。

記得有次我問當地一名牧師:
「兩邊嘅人都受咗好大嘅傷害、好多不公平嘅對待,究竟可以點做?」

牧師咁樣回應:「如果大家咩都唔做,仇恨依舊,冇嘢改變。總要有一方要先放下身段、謙卑自己踏出第一步。我們應如此行,因為我哋嘅主係和平之君。」原來喺一個咁困難嘅環境入邊依然有教會嘗試推動種族間聆聽、和解、原諒。

為着上帝嘅緣故你願意喺你嘅處境中謙卑聆聽嗎?

文化包容力

基督教為南非嘅主要宗教,佔全國比例86%;另有非洲傳統宗教、伊斯蘭教各佔5.4%及1.9%。當中唔少印度同中東裔嘅國民,會選擇聚居喺某啲小鎮,例如Laudium。

Laudium位於行政首都普利托利亞(Pretoria)嘅西南部,有近8成人口為印度或亞洲人。當中唔少區域受貧窮、罪惡、毒品等問題所困擾。

去到Laudium嘅時候,唔會覺得自己身處喺南非。事關印度廟同清真寺林立,加上餐館店舖,同埋穆斯林每日嘅禱告廣播,都令人感覺置身另一個國家。印度教、伊斯蘭教同基督教三大宗教喺當地一齊和平嘅發展亦開放佢哋嘅寺院、廟宇比唔同人參觀,由此可見南非文化嘅包容性。

不過文化兼容嘅背後,我哋都要小心走向融合主義嘅極端。正如聖經上嘅教導:「不要效法這個世界。」喺南非呢種社會氛圍下,實在值得深思。

南非係一個美麗且多元嘅國家有機會一定要去探索一下丫!😆👍🏻

(當然亦有嘗試佢哋嘅特色美食南非咖喱麵包 – bunny chow,非常美味呢!😋)

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: